escintilante relampo
que ilumina o aire nun instante
e desaparece de súpeto
deixando nos ollos devezos de luz.
E non chuvia eterna e persistente
que cala os ósos a poder de teimosía.
Quen fose zigzag brillante
atravesando a atmosfera,
póla eléctrica e vibrante
que aluma nun segundo.
E non cortina líquida
de pingas miúdas e transparentes.
Quen fose trono abouxador
que estoura nos oídos
como tambores festivos
e fai tremer o corpo todo.
E non repenique suave
de gotas na beirarrúa,
a formar ondas concéntricas
que navegan, presas, nas fochancas.
A Churrusqueira
Ningún comentario:
Publicar un comentario